ЯК СПЛАНАВАЦЬ ПАЕЗДКУ
Тут вы можаце даведацца, якія крокі вам трэба зрабіць, каб максімальна паспяхова спланаваць сваю паездку.
Падаць заяўку на грантВы можаце падаваць заяўкі на паездкі розных тыпаў працягласцю да 30 дзён (уключаючы час у дарозе), для ажыццяўлення наступнай дзейнасці:
І тып
Удзел у канферэнцыях, з'ездах, форумах, міжнародных мерапрыемствах, іншых сектаральных мерапрыемствах (як правіла, гэта кароткатэрміновая паездка)
ІІ тып
Азнакамляльныя паездкі або паездкі для абмену досведам
ІІІ тып
Праходжанне стажыроўкі, трэнінга, воркшопа
ІV тып
Паездка ў некалькі краін ці ў некалькі этапаў
V тып
Візіты еўрапейскіх партнёраў
VI тып
Мабільнасць анлайн
Іншыя фарматы
Любыя іншыя фарматы, якія вы можаце распрацаваць для дасягнення названых вышэй мэт, у межах праграмы
Ваша паездка мусіць доўжыцца ад 3 да 30 дзён, уключаючы час у дарозе.
Удзел у канферэнцыях, з'ездах, форумах, міжнародных мерапрыемствах
Звычайна гэта кароткатэрміновая мабільнасць ад 3 да 7 дзён. Гэты фармат, як правіла, дапамагае ўсталяваць кантакты з іншымі людзьмі з адпаведнага сектара, а таксама атрымаць водгукі пра уласныя праекты ці іншую актуальную інфармацыю.
Азнакамляльныя паездкі або паездкі для абмену досведам
Паездкі да 30 дзён. Паездкі такога фармату даюць магчымасць больш інтэнсіўна вывучыць пэўную тэму, абмяняцца прафесійным досведам, папрацаваць над сумеснымі праектамі.
Праходжанне стажыроўкі, трэнінга, воркшопа
Паездкі да 30 дзён. Стажыроўкі мусяць навучыць прафесіяналаў адпаведных сектараў новым тэхналогіям, алгарытмам, падыходам або досведу.
Паездка ў некалькі краін ці ў некалькі этапаў
Гэта, як правіла, паездкі ад 6 да 20 дзён па некалькіх краінах у некалькі этапаў. Такі фармат дазваляе наведаць да трох розных краін Еўрасаюза (максімум у тры этапы, цягам 6 месяцаў).
Візіты еўрапейскіх партнёраў
Паездкі да 6 дзён. Гэты фармат дазваляе партнёрам з краін ЕС зноў сустрэцца са сваімі беларускімі калегамі на іх радзіме ці ў краіне іх пражывання. Ён дапаможа не толькі атрымаць яснае ўяўленне аб рабоце калег, але і ўмацаваць прафесійныя сувязі.
Мабільнасць анлайн
Гэты фармат не прадугледжвае паездак, але дазваляе паўдзельнічаць у анлайн мерапрыемствах, якія праводзяцца краінамі ЕС. Гэтая катэгорыя пакрывае аплату рэгістрацыйных унёскаў.
Любыя іншыя фарматы, якія вы можаце распрацаваць для дасягнення названых вышэй мэт, у межах праграмы
Такія фарматы паездак мусяць цягнуцца не больш за 30 дзён і адпавядаць мэтам і межам праграмы, а таксама, быць непасрэдна звязанымі з вашым прафесійным сектарам.
Прыём заявак на праграму ажыццяўляецца бесперапынна, без прамежкавых дэдлайнаў і тэрмінаў для заяўнікаў.
| Падзея | Дата |
|---|---|
| Пачатак прыёму заявак | лістапад 2022 |
| Найранейшая магчымая дата выезда на стажыроўку | 1 студзеня 2023 |
| Найпазнейшая магчымая дата завяршэння стажыроўкі | 15 ліпеня 2024 |
| Апошні тэрмін падачы заявак |
3 чэрвеня 2024
(15:00 па мінскім часе) |
Улічваючы працэс ацэнкі заявак (да аднаго месяца) і час, неабходны для заключэння дамоваў, пераводу сродкаў і арганізацыі паездак (некалькі тыдняў), заяўкі трэба падаваць як мінімум за 2 месяцы да запланаванага пачатку паездкі (за 3 месяцы ў выпадках, калі патрэбна віза).
Вы можаце пачынаць рэалізацыю вашай мабільнасці ТОЛЬКІ ПАСЛЯ падпісання пагаднення аб прадастаўленні гранта!
Калі ласка, звярніце ўвагу:
- ● Па праграме MOST+ вы можаце прыняць удзел максімум у двух паездках (і толькі ў адной, калі раней вы ўжо ўдзельнічалі ў праекце MOST I і II).
- ● У выпадку адхілення вашай заяўкі, вы можаце падавацца яшчэ раз неабмежаваную колькасць разоў, толькі перарабіце яе.
- ● За адзін раз можна падаць толькі адну заяўку. Вы можаце падаваць заяўку на другую паездку толькі пасля атрымання вынікаў ацэнкі папярэдняй заяўкі.