Устойлівае Развіццё

У гэтую катэгорыю ўваходзяць арганічная сельская гаспадарка, абарона навакольнага асяроддзя, устойлівая энергетыка і іншыя сумежныя галіны.

Падаць заяўку на грант

Трошкі тэорыі:

ААН дае вызначэнне ўстойлівага развіцця, якое ў сціслым выглядзе гучыць так:

Устойлівае развіццё - гэта развіццё, якое задавальняе патрэбы сучаснага пакалення, пры гэтым не ставіць пад пагрозу магчымасць будучых пакаленняў задавальняць іх патрэбы.
Для ўстойлівага развіцця патрабуюцца аб'яднаныя намаганні, накіраваныя на пабудову інклюзіўнай, устойлівай і жыццяздольнай будучыні для чалавецтва і ўсёй планеты.
Каб дабіцца ўстойлівага развіцця, важна гарманізаваць тры фундаментальныя элементы: эканамічны рост, сацыяльную інтэграцыю і абарону навакольнага асяроддзя. Усе гэтыя элементы ўзаемазвязаны і жыццёва важныя для дабрабыту як асобнага чалавека, так і грамадства.
Неабходным патрабаваннем для ўстойлівага развіцця з'яўляецца выкараненне беднасці ва ўсіх яе формах і праявах. Для гэтага неабходна стымуляваць устойлівы, інклюзіўны і справядлівы эканамічны рост, пашыраць круг агульнадаступных магчымасцяў, скарачаць няроўнасць, падвышаць базавы ўзровень жыцця, садзейнічаць справядліваму сацыяльнаму развіццю і інтэграцыі, садзейнічаць комплекснаму і рупліваму кіраванню прыроднымі рэсурсамі і экасістэмамі.

У ідэале ўсе 17 мэт устойлівага развіцця мусяць закранацца тымі, хто абірае гэты сектар. Але праграма MOST+ ужо працуе з сектарам адукацыі, аховы здароўя і бізнеса, а яны разглядаюцца мэтамі ўстойлівага развіцця (МУР) ААН пад нумарам 3, 4 і, у некаторай ступені, 8-9. Таму MOST+ уключае ў сектар устойлівага развіцця спецыялістаў, якія развіваюць сацыяльную інтэграцыю (МУР 1, 10), гендэрную роўнасць (МУР 5), адказнае спажыванне (МУР 12), барацьбу супраць кліматычных зменаў (МУР 13), а таксама забеспячэнне жыццеўстойлівасці і экалагічнай устойлівасці гарадоў і населеных пунктаў (МУР 11).

ЯК СПЛАНАВАЦЬ СТАЖЫРОЎКУ Ў ГЭТЫМ СЕКТАРЫ Ў КРАІНАХ ЕС?

Паколькі ўстойлівае развіццё - вельмі шырокая сфера, якая ахоплівае мноства розных тэм, арганізацыя паездкі, безумоўна, можа прадугледжваць наведванне мерапрыемстваў па пэўнай тэме (звязанай з адной ці некалькімі МУР) або па тэме ўстойлівага развіцця ў цэлым; таксама гэта можа быць азнакамляльная паездка ці стажыроўка ў арганізацыі, якія прасоўваюць прынцыпы ўстойлівасці ў сваёй працы.

План такой паездкі ў сферы ўстойлівага развіцця моцна залежыць ад прафесійных інтарэсаў заяўніка і таго аспекту ўстойлівага развіцця, якім ён(яна) цікавіцца.

Ніжэй, азнаёмцеся з магчымымі прыкладамі мерапрыемстваў і стажыровак гэтага сектара: