АДУКАЦЫЯ
Сектар адукацыі для праграмы MOST+ гэта праца ў сферы нефармальнай і неакадэмічнай адукацыя, а таксама асветы на працягу ўсяго жыцця. Мы запрашаем студэнтаў, выкладчыкаў і навукоўцаў звяртацца таксама і ў іншыя праграмы (напрыклад, SALT, EHU), з якімі праграма MOST+ не перасякаецца. Акрамя таго, наша праграма разглядае ініцыятывы, звязаныя з педагагічнымі даследаваннямі, трансфармацыяй адукацыі і грамадства, дэмакратызацыяй адукацыі і барацьбой з няроўнасцю ў адукацыйнай сферы.
Падаць заяўку на грантМы запрашаем прыняць удзел у праграме MOST+ спецыялістаў па дадатковай і неафармальнай адукацыі для дзяцей, моладзі і дарослых. Гэта могуць быць НДА, прыватныя ініцыятывы дадатковай адукацыі або нефармальныя суполкі, клубы, школы навучання дома і суполкі бацькоў.
Заяўнікі, якія цяпер працуюць у дзяржаўных школах, запрашаюцца да ўдзелу, калі іх праца не абмежавана роляй школьнага настаўніка і выходзіць за яе межы.
Заяўнікі, якія працуюць як індывідуальныя прадпрымальнікі ці рэпетытары, запрашаюцца да ўдзелу, калі іх асноўная прафесійная дзейнасць звязана з адукацыяй.
Часова беспрацоўныя спецыялісты могуць падаваць заяўкі, калі яны належаць да сферы адукацыі і могуць прадэманстраваць прымяненне вынікаў стажыроўкі ў сваёй супольнасці.
Спецыялісты са сферы вышэйшай адукацыі могуць падаваць заяўкі, калі іх стажыроўка не мае акадэмічнага характару (не прадугледжвае даследчую або выкладчыцкую дзейнасць у арганізацыі, якая прымае), але звязана з адукацыяй у цэлым, стварэннем сувязяў, абменам досведам і г.д.
Як спланаваць стажыроўку ў ЕС у сферы адукацыі?
У першую чаргу абдумайце свае мэты і інтарэсы, а таксама патрэбы і планы вашай ініцыятывы ці арганізацыі. У якой вобласці вы хочаце развівацца? Якія метады ці праекты вы хочаце ўнесці ў працу вашай арганізацыі? Шукаць партнерскую арганізацыю або мерапрыемствы неабходна зыходзячы менавіта з гэтага.
Ніжэй мы даем некалькі парадаў па пошуку партнёрскай арганізацыі:
Можа быць, вы ўжо ведаеце пэўныя арганізацыі, школы і ініцыятывы ў краінах ЕС, вядомыя сваімі дасягненнямі і досведам у абранай вобласці. Падумайце пра тых, на каго вы падпісаны ў сацыяльных сетках, пра каго чыталі артыкулы ці чулі на прафесійных канферэнцыях.
У Еўрапейскім Саюзе ёсць мноства прафесійных асацыяцыяў, клубаў і таварыстваў. Знайдзіце партнёраў у вобласці вашых інтарэсаў ці спецыялізацыі і пачніце вывучаць магчымасці і ініцыятывы пра якія яны пішуць.
Напрыклад, як выкладчыка прыродазнаўчых навук, тэхналогіі, інжынернай справы і матэматыкі, вас могуць зацікавіць наступныя прафесійныя асацыяцыі:
EASE – Еўрапейская супольнасць выкладчыкаў прыродазнаўчых навук, тэхналогіі, інжынернай справы і матэматыкі
Гэтая супольнасць арганізуе шэраг мерапрыемстваў па ўсёй Еўропе і мае партнёрскія арганізацыі ў розных краінах.
Перайсці
Кааліцыя EU STEM – сетка нацыянальных платформаў для выкладання прыродазнаўчых навук, тэхналогіі, інжынернай справы і матэматыкі
Тут вы можаце даведацца пра іншыя нацыянальныя платформы і арганізацыі, якія працуюць у вашай сферы.
Перайсці
Science on Stage – еўрапейская супольнасць выкладчыкаў прыродазнаўчых прадметаў
Перайсці
Альянс выкладчыкаў прыродазнаўчых навук, тэхналогіі, інжынернай справы і матэматыкі еўрапейскіх школ
Перайсці
Еўрапейскае аб'яднанне выкладчыкаў Мантэсоры
А калі вас цікавіць педагогіка па методыцы Мантэсоры, вы можаце звярнуць увагу на школы, якія ўваходзяць у гэта аб'яднанне
Перайсці
Мясцовыя асацыяцыі школ Мантэсоры па краінах
Перайсці
Не саромейцеся пісаць у арганізацыі і запытваць дадатковую інфармацыю ці звяртацца з іншымі пытаннямі. Паспрабуйце адрасаваць пытанні ці просьбы аб дапамозе ў мясцовыя НДА, муніцыпалітэты, універсітэты, бібліятэкі і адукацыйныя цэнтры.
Выкарыстоўвайце старыя знаёмствы ў абраных краінах, каб завесці новыя сувязі. Напрыклад, у вас
могуць быць сябры ці сваякі ў Еўропе – папрасіце ў іх кантакты школ, куды ходзяць іх дзеці; яны нават могуць пазнаёміць вас з некаторымі настаўнікамі ці адмыслоўцамі з вядомых ім арганізацый.
Прыклад з жыцця: планаванне стажыроўкі ў Нідэрландах для настаўнікаў прыродазнаўчых навук, тэхналогіі, інжынернай справы і матэматыкі
Чатыры калегі (настаўнік матэматыкі, выкладчык робататэхнікі, рэпетытар па праектаванні і адміністратар) з анлайн-школы дадатковай адукацыі ў галіне прыродазнаўчых навук, тэхналогіі, інжынернай справы і матэматыкі (STEM), вырашылі ў наступным годзе прадставіць сваім студэнтам навучанне на праектнай аснове. Для падрыхтоўкі і развіцця сваіх навыкаў па гэтай тэме яны вырашылі навучыцца перадавым метадам іншых краін і завесці партнёраў сярод іншых школ, каб іх студэнты маглі сумесна працаваць над праектамі. Яны ведалі, што ім пасуе праграма MOST+ і пачалі вывучаць магчымасці і планаваць паездку.
Вось якія дзеянні яны распачалі:
-
1
Выбралі краіну для наведвання (Нідэрланды), бо яна вядома сваёй прасунутай адукацыяй у сферы STEM. Усе ўдзельнікі размаўлялі па-англійску і ведалі, што англійская можа быць мовай міжнародных стасункаў з мясцовымі спецыялістамі.
-
2
Яны высвятлялі да каго звярнуцца ў сяброў, сваякоў і былых студэнтаў. Гэта дапамагло ім атрымаць кантакты 5 школ у Нідэрландах; яны даслалі туды электронныя лісты з пытаннем пра праектнае выкладанне дысцыплінаў STEM, і ці можна прыехаць да іх з візітам. Некаторыя школы не адказалі, адна паведаміла, што яны не прымаюць наведвальнікаў, а яшчэ дзве школы сказалі, што такое навучанне ёсць і яны будуць рады запрасіць настаўнікаў. Гэта былі школы з Ратэрдама і Дэлфта, таму група працягнула планаваць паездку ў гэтым рэгіёне.
-
3
Каб атрымаць ідэі і натхненне для будучага праекту, група вырашыла наведаць шэраг навуковых музеяў і публічных майстэрняў:
https://rotterdam.sciencegallery.com/home-eng https://ontdekhoek.nl/ https://maritiemmuseum.nl/en https://fablab.nl/fablabs-in-de-benelux/
-
4
Адзін з былых студэнтаў рэпітытара зараз акурат займаецца ў Дэлфтскім тэхналагічным універсітэце і паабяцаў правесці экскурсію па ўніверсітэцкіх лабараторыях і арганізаваць сустрэчу з 2 прафесарамі, якія каардынуюць гадавыя студэнцкія праекты ў сферы STEM.
-
5
Вывучаючы тэму ў Інтэрнэце, адзін з настаўнікаў высвятліў, што ў Нідэрландах набірае абароты новая форма навучання - тэхназіумы, - і напісаў яшчэ ў 5 тамтэйшых школ.
-
6
І нарэшце, яны ўзгаднілі ўсё з 3 школамі, абмеркавалі даты і на астатнюю частку 10-дзённай паездкі, запланавалі наведванне цікавых грамадскіх месцаў і мерапрыемстваў. Напрыканцы паездкі яны правядуць 2 дні па-асобку: настаўнікі матэматыкі і фізікі зойдуць у яшчэ адну школу і публічную майстэрню ў Гронінгене, а рэпетытар па праектаванні і адміністратар паедуць у Эйндховен на Галандскі тыдзень праектавання.
Запланаваныя мерапрыемствы ў сферы адукацыі ў агляднай будучыні ў ЕС
Асноўнай мэтай ці часткай вашай паездкі можа стаць таксама наведванне публічных мерапрыемстваў ці стажыровак. Вось некалькі відаў і прыкладаў мерапрыемстваў, прыдатных для работнікаў сектара адукацыі:
Міжнародныя прафесійныя канферэнцыі, саміты і кірмашы
Вы можаце наведваць такія мерапрыемствы з дапамогай праграмы MOST+, калі іх тэма адпавядае абранай сферы і вы плануеце завесці на мерапрыемстве сувязі і выкарыстоўваць іх надалей ў сваёй дзейнасці. Ніжэй прыведзены некаторыя такія івэнты. Перавагай будзе, калі ў вас ёсць магчымасць удзельнічаць у мерапрыемстве не толькі як слухач, але і як выступоўца.
Нацыянальныя ці лакальныя мерапрыемствы, фестывалі, кірмашы, тэматычныя тыдні ці дні
У розных месцах Еўропы праходзяць такія тэматычныя, адукацыйныя і навуковыя мерапрыемствы, тыдні і фестывалі. У Інтэрнэце можна знайсці мерапрыемствы, якія пасуюць вам па сферы інтарэсаў і месцы правядзення. Напрыклад:
Таксама вам могуць быць цікавыя стажыроўкі ці летнія школы
Тым не менш, пераканайцеся, што вы разумееце, якія магчымасці для стасункаў і пабудовы рэальных прафесійных сувязяў з'явяцца ў вас на такіх курсах, і не забудзьцеся адлюстраваць гэта ў сваёй заяўцы. Вы можаце знайсці кароткія курсы і летнія школы ў Інтэрнэце на сайтах такіх агрэгатараў, як https://www.shortcoursesportal.com/ Прыклады цікавых кароткіх курсаў для настаўнікаў і работнікаў адукацыі ў розных кірунках, якія праводзіць Акадэмія выкладчыкаў Europass:
