КУЛЬТУРА
Асновай для гэтага сектара служыць шырокае разуменне культуры, у якую ўваходзяць таксама турызм і індустрыя творчасці і культурнай прадукцыі.
Падаць заяўку на грантДа сферы культуры адносіцца некалькі прафесійных абласцей і відаў дзейнасці, якія прадугледжваюць работу з культурнымі каштоўнасцямі, своеасаблівасцю, індывідуальнымі і калектыўнымі мастацкімі і творчымі праявамі. Культура дае грамадству формы і прасторы для публічнага адлюстравання, мыслення на аснове каштоўнасцяў і развіцця. Традыцыйна да культуры адносяцца такія мастацкія вобласці, як музыка, выяўленчае і акторскае мастацтва, літаратура, кінематаграфія, архітэктура, традыцыйныя рамёствы і г.д. Абапіраючыся на дабаўленую вартасць як падмурак для культурнай прадукцыі, гэтая сфера цесна ўзаемазвязана з індустрыяй творчасці: вытворчасцю аўдыёвізуальнай прадукцыі, дызайнам ва ўсім мностве яго праяў, СМІ, тэлекамунікацыямі, IT і іншымі абласцямі.
ДЛЯ КАГО АКТУАЛЬНЫ ГЭТЫ СЕКТАР
Праграма MOST+ запрашае аплікантаў з асноўных абласцей культурнага і мастацкага жыцця, у тым ліку з шырокага спектра міждысцыплінарных і міжгаліновых сфераў. Прафесійныя ролі кандыдатаў у культурных і творчых працэсах не абмяжоўваюцца і не ацэньваюцца. Праграма MOST+ адкрыта для аўтараў, творцаў, мастакоў, культурных дзеячаў, занятых як вытворчасцю, так і распаўсюджваннем, для асветнікаў, даследчыкаў і культурных крытыкаў, кіраўнікоў праграм і многіх іншых.
ДЗЕ І ЯК ШУКАЦЬ ПРАФЕСІЙНЫЯ МЕРАПРЫЕМСТВЫ І АБМЕНЫ
Карысна звярнуцца да міжнародных супольнасцяў і парасонавых арганізацый для пошуку мерапрыемстваў (канферэнцыі, фестывалі, форумы, кірмашы) у базах даных па прафесіях. Некаторыя прыклады:
1. folklorefestivals.org збірае і аб'ядноўвае фестывалі ў 196 краінах свету, уключаючы, зразумела, краіны ЕС.
2. Федэрацыя еўрапейскіх выдаўцоў прапануе пералік асноўных еўрапейскіх кніжных кірмашоў і іншых прафесійных мерапрыемстваў Encatc – еўрапейская сетка па кіраванні культурай і культурнай палітыкай, у якую ўваходзіць больш за 144 навучальных і адукацыйных цэнтраў. Яе каляндар падзей дасць вам мноства падстаў накіравацца ў стажыроўку!
3. Калі вы прадстаўляеце месца правядзення культурных падзей, шукайце мерапрыемствы як у супольнасці Trans Europe Halles, так і сярод яго ўдзельнікаў.
АРТ-РЭЗІДЭНЦЫІ
Калі магчымасці для стажыроўкі даюць рэсурсы толькі для частковага выканання вашых мэтаў, вы можаце камбінаваць іх. Шукайце ў агрэгатараў адкрытыя запрашэнні на ўдзел у праграмах арт-рэзідэнцый.
Напрыклад, у transartists.org і ў resartis.org можна знайсці шэраг арт-рэзідэнцый з частковым фінансаваннем. Тэлеграм-канал sekktor адбірае адкрытыя запрашэнні, прыдатныя для беларускіх заяўнікаў. Праграма MOST+ будзе карыснай, калі арт-рэзідэнцыя прапануе добрую праграму навучання, але спаганяе грошы за пражыванне і (або) не пакрывае выдаткі на праезд.
ІНДЫВІДУАЛЬНЫЯ ПРАГРАМЫ СТАЖЫРОВАК І АБМЕНЫ
Вы можаце абраць арганізацыю, якая вас асабліва цікавіць, зыходзячы з вашага прафесійнага досведу і новых кар'ерных мэтаў. Мы рэкамендуем асабліва актыўна сачыць за ключавымі еўрапейскімі арганізацыямі, звяртацца да іх і планаваць праграму пры іх падтрымцы. Напрыклад супольнасць з інкубатарам сумеснай творчасці IN SITU ці сеткавая арганізацыяй дамоў культуры ў Фландрыі і Бруселі CULT.
Культурныя праграмы еўрапейскіх дзяржаўных устаноў, муніцыпалітэтаў і супольнасцяў
Напрыклад, вы можаце правяраць календары мерапрыемстваў трох сёлетніх культурных сталіц Еўропы, дзе вы знойдзеце спецыфічныя, а часам і ўнікальныя мерапрыемствы з адкрытымі запрашэннямі. На сайтах муніцыпалітэтаў звычайна бывае рубрыка "Культура" з анонсамі асноўных культурных падзей на ўзроўні краіны ці горада.
